Aktual mövzular: Dollar alış-satışı, Neftin qiyməti, COP29, Hava proqnozu

Teledərsləri televiziyadan kənar izləmək imkanı yaradılıb

Tarix: 27 Mart 2021 17:06

Təhsil Nazirliyi tərəfindən "Dərs vaxtı" proqramına televiziya ekranı qarşısında baxa bilməyən şagirdlər üçün alternativ imkanlar təqdim edilir.

Nazirlikdən Sonxeber.net-a verilən məlumata görə, teledərslərə ekran qarşısında baxa bilməyənlər və ya yenidən izləmək istəyənlər keçirilmiş dərsləri 29 mart tarixindən etibarən video.edu.az portalından və "Dərs vaxtı"nın rəsmi "Facebook" səhifəsindən izləyə bilərlər.

Həftə içi 5 gün saat 10:00-dan 18:00-dək teledərslər "Mədəniyyət" və "ARB Günəş" telekanalları ilə yanaşı "Dərs vaxtı"nın "Facebook" səhifəsi (www.facebook.com/dersvaxti.edu.az) üzərindən canlı yayımlanacaq. Daha sonra isə siz həmin dərsləri səhifənin "Videolar" bölməsindən tapa bilərsiniz:"Əlavə olaraq, video.edu.az portalı da sizin xidmətinizdədir. Burada videodərslər bütün siniflər üzrə yerləşdirilib. Həmçinin, məktəbdənkənar fəaliyyət və məktəbəhazırlıq dərsləri də portalda mövcuddur".

Whatsapp ilə göndər