Aktual mövzular: Dollar alış-satışı, Neftin qiyməti, COP29, Hava proqnozu

Deputatdan çağırış: Toy qadağası ləğv edilməlidir, iqtisadiyyatımız məhv olur - VİDEO

Tarix: 13 Aprel 2021 14:28

Ölkədə toyların keçirilməsinə icazə verilməlidir.

Sonxeber.net xəbər verir ki, bunu "ARB Xəbər"ə açıqlamasında millət vəkili Razi Nurullayev deyib. O bildirib ki, bu qadağa vətəndaşlarla polis arasında münasibətlərə də mənfi təsir edir:

"Daxili İşlər Nazirliyi orqanlarının üzərinə getməyin tərəfdarı deyiləm. Kimsə toy edirsə, onların vəzifəsi buna imkan verməməkdir. Çünki qanun belə tələb elədir və onlar da vəzifələrini icra edirlər. Polisi niyə günahkar eləyək? Burada məsələnin kökü odur ki, toylara icazə verilməlidir və polislə vətandaş da üz-üzə qalmamalıdır".

Millət vəkili onu da qeyd edib ki, toylarla bağlı qadağalar bir çox insanın işsiz qalmasına səbəb olub:

"Şadlıq evlərinin işləməməsi ucbatından yarım milyondan yeddi yüz minə qədər insan əziyyət çəkir. Çünki bir şadlıq evinin işləməsi orada yüzlərlə xidmətin, xidmətçilərin olması idi. Bu qadağalarla biz iqtisadiyyatımızı da məhv etmiş oluruq".

Whatsapp ilə göndər