Aktual mövzular: Dollar alış-satışı, Neftin qiyməti, COP29, Hava proqnozu

Boksçumuz 1/4 finalda

Boksçumuz 1/4 finalda

Tarix: 19 Aprel 2021 12:24

Polşanın Keltse şəhərində təşkil olunan gənc boksçular arasında dünya birinciliyində altıncı günə yekun vurulub.

Sonxeber.net qafqazinfo-ya istinadən xəbər verir ki, 1/8 final mərhələsinin axırıncı günündə Azərbaycan millisinin daha bir üzvü rinqdən qalib ayrılıb.

İlk döyüşündə Domeniko Vingiquerranı (İtaliya) məğlub edən Murad Allahverdiyev (81 kq) ikinci duelində Kaan Aykutsundan (Türkiyə) da üstün olub. Təmsilçimiz bu dəfə də rəqibi üzərində 4:1 (29:28, 28:29, 29:28, 29:28, 29:28) hesablı qələbəyə sevinib.

O, aprelin 19-da baş tutacaq 1/4 finalda ukraynalı Denis Salabayla qarşılaşacaq.

Allahverdiyevdən fərqli, Cəlal Qurbanov (60 kq) 1/8 finalda mübarizəni dayandırıb. Yaponiyalı Reyto Tsutsumi ilə döyüşən boksçumuz məğlubiyyətə üzülüb.

Qeyd edək ki, yığmamızın heyətində daha öncə Əli Zamanov (52 kq), Əzrək Bəbirov (56 kq) və Nicat Hüseynov (49 kq) 1/4 finalda iştirak hüququ qazanıb. 52 ölkədən 414 (274 oğlan, 140 qız) boksçunun qatıldığı dünya birinciliyi aprelin 23-də başa çatacaq.


Etiketlər:  Boksçumuz finalda


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ