Aktual mövzular: Dollar alış-satışı, Neftin qiyməti, COP29, Hava proqnozu

“Çjujun” kosmik aparatı Marsın tədqiqinə başlayıb

“Çjujun” kosmik aparatı Marsın tədqiqinə başlayıb

Tarix: 24 May 2021 11:51

Çinin “Çjujun” kosmik aparatı enmə platformasını uğurla tərk edərək Marsın tədqiqinə başlayıb. Bu barədə Çin Milli Kosmik İdarəsinin məlumatında deyilir.

 

“ICTnews” Elektron Xəbər Xidməti “Belta” resursuna istinadən yazır ki, məlumata görə, “Çjujun” aparatı enmə platformasını uğurla tərk edib, Mars səthinə çatıb və tədqiqata başlayıb.

 

“Tyanven-1” avtomatik planetlərarası stansiyası mayın 15-də Mars səthinə uğurla eniş edib. Bu, Çin kosmik aparatının Marsa ilk enişi olub. Onun tərkibinə daxil olan “Çjujun” kosmik aparatı planetin torpağını, ionosferini və iqlimini öyrənəcək. Aparatın planet səthində işləmə müddəti 90 Yer sutkası təşkil edəcək.

 

“Tyanven-1” stansiyası 23 iyul 2020-ci ildə “Çançjen-5” raketdaşıyıcısı vasitəsilə Çinin cənubundakı Haynan əyalətində yerləşən Vençan kosmodromundan buraxılıb. O, fevralda Mars orbitinə çatıb.

 

Nizam Nuriyev




Etiketlər:  Çjujun kosmik aparatı Marsın tədqiqinə başlayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ