Bakıda hamı bu qəbiristanlıqdan danışır - Görün burada nə saxlayırlar - VİDEO

Tarix: 25 May 2021 12:10

Xətai rayonu, Cavanşir küçəsində yerləşən qəbiristanlıqda natəmizlik hökm sürür.  

Sonxeber.net xezerxeber.az-a istinadən xəbər verir ki, bu qəbiristanliqdakı məzarları görmək mümkün deyil.

Quru ot, atılan zibillər qəbiristanlığı pis hala salmaqla yanaşı, qəbirlər arasında hərəkəti də çətinləşdirib. Qəbiristanlığa yaxin ərazidə yaşayan sakinlər isə burada arı, hinduşka və toyuq saxlayır, yuyulan paltarlari belə qəbirlər olan əraziyə sərirlər.

Bu qəbiristanlığın hər addımı problemdir. Ot və zibil əlindən nə gəzmək, nə də qəbirləri görmək olur...

Vəziyyətlə bağlı Xətai Rayon İcra Hakimiyyətinə məlumat verdik. "Xəzər Xəbər"in müdaxiləsindən sonra Mənzil-Kommunal Təsərrüfatı Birliyinin əməkdaşları əraziyə cəlb olunaraq, təmizlik işlərinə başladılar.

Qəbiristanlığın ərazisində toyuq-cücə, arı saxlayan sakinlərə gəlincə, qurum rəsmisi bildirib ki, yaxın günlərdə əraziyə yenidən baxış keçiriləcək, müvafiq qərarlar qəbul ediləcək.

Qeyd edək ki, qəbiristanlıq sovet dövründə Hacı Zeynalabdin Tağıyev adına Toxuculuq Kombinatının ərazisində salınıb. Burada həm müsəlman, həm də xristian qəbirləri var.

Mövzu ilə bağlı daha ətraflı videomaterialı təqdim edirik: