Şuşaya aparan qəhrəmanlıq yolu - VİDEO

Tarix: 27 May 2021 13:42

Möhlət Abbasov Daşaltı istiqamətində gedən döyüşlərdə şəhid olub

Sonxeber.net Real TV-ə istinadən bildirir ki, xalqımızın şanlı tarixi çoxlu sayda qəhrəmanlıq səhifələri ilə zəngindir. Şərait qəhrəmanlar yaradır, qəhrəmanlar isə tarix. Tarixə çevrilmiş qəhrəmanlarımızdan biri də Vətən müharibəsində şəhid olmuş Möhlət Abbasovdur. O, 2001ci il mart ayının 19-da Daşkəsən rayonunda doğulub, Gəncə şəhərində yaşayıb. 2018-ci ildə orta məktəbi bitiirb. 2019-cu ildə hərbi xidmətə yollanan Möhlətin Sürücülük keyfiyyətləri yüksək olduğu üçün xidmətinə sürücü kimi davam edib. 2020 ci ildə döyüşlərə qatılan qəhrəmanımız 44 günlük Vətən müharibəsinin 40-cı günün, anasının doğum günündə, Daşaltı istiqamətində gedən döyüşlərdə, sürücüsü olduğu hərbi texnika ilə öndə gedib yol açərkən düşmənin artileriya qurğusu ilə atdığı mərmidən qəhrəmancasına həlak olub və şəhadətinə ucalıb.

Qeyd edək ki, Şəhid Möhlət Abbasov doğulduğu Cəbrayıl rayonunda dəfn edilib. Onu tanıyanların söhbətinə sakitcə qulaq asmaq çətindir. Bu söhbətlər insanın varlığında qeyri-adi hisslər, ürəyində kövrək duyğular oyadır. İyirmi yaşlı qəhrəmanın ruhu qarşısında istər-istəməz baş əyirsən. Ruhun şad olsun Şəhidim.