Aktual mövzular: Dollar alış-satışı, Neftin qiyməti, COP29, Hava proqnozu

''Artilleriya atəşinin ustaları'' müsabiqəsində iştirak edən artilleriyaçılarımız sınaq atışları ediblər (FOTO)

Tarix: 6 Avqust 2019 01:12

Bakı. Trend:

"Beynəlxalq Ordu Oyunları - 2019" yarışları çərçivəsində Qazaxıstanda keçirilən "Artilleriya atəşinin ustaları" müsabiqəsinin iştirakçıları mərhələlərə hazırlıq məqsədilə məşqlər icra edirlər.

Müdafiə Nazirliyinin mətbuat xidmətindən Trend-ə verilən məlumata görə, yarışlarda iştirak etmək üçün təqdim edilən silahlara texniki baxış keçirən artilleriyaçılarımız təhlükəsizlik qaydaları, növbəti mərhələnin şərtləri və atış nöqtələrinin texniki imkanları ilə tanış olub.

Hazırlıq prosesini yekunlaşdıran komandamız atıcı silahlar, qumbaraatan və minaatanlardan sınaq atışlarını yerinə yetiriblər.

Trend-in ən mühüm və maraqlı xəbərlərini "Telegram"da izləyin