Aktual mövzular: Dollar alış-satışı, Neftin qiyməti, COP29, Hava proqnozu

Pandemiya 2020-2021-ci illərdə Gürcüstan büdcəsinə 2,3 milyard dollar ziyan vurub

Pandemiya 2020-2021-ci illərdə Gürcüstan büdcəsinə 2,3 milyard dollar ziyan vurub

Tarix: 11 Iyun 2021 23:38

Koronavirus pandemiyası Gürcüstan iqtisadiyyatına böyük ziyan vurub. 2020-2021-ci illərdə COVID-19 pandemiyası Gürcüstan büdcəsinə 7,2 milyard lariyə (2,3 milyard ABŞ dolları) başa gəlib.

Sonxeber.net AZƏRTAC-a istinadən bildirir ki, bu barədə Gürcüstanın maliyyə naziri Laşa Xutsişvili parlamentdə "nazir saatı" formatında çıxışında deyib. O deyib ki, iqtisadiyyatın azalması büdcə gəlirlərinə ciddi mənfi təsir edib. Səhiyyə sektoruna yönələn xərclər əvvəlcə nəzərdə tutulduğundan 0,9 milyard lari artıb. Biznesin dəstəklənməsi proqramlarının həcmi 3 milyard lari, vətəndaşların sosial müdafiəsi tədbirlərinə 1,3 milyard lari yönəldilib.

Nazir qeyd edib ki, 2021-ci ilin dövlət büdcəsinə düzəlişlər planlaşdırılır. May ayı üzrə iqtisadi artımın yekunlarının təhlili əsasında builki büdcəyə dəyişikliklər hazırlanacaq. Əsas məqsəd makroiqtisadi sabitlik və iqtisadiyyatın bərpasına yönələn mühüm addımların atılmasından ibarət olacaq.


Etiketlər:  Pandemiya 2020 2021 illərdə Gürcüstan büdcəsinə milyard dollar ziyan vurub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ