Danimarka və Avstriya 1/8 finalda, Rusiya mübarizəni dayandırdı

Tarix: 22 Iyun 2021 06:30

Avro-2020-nin qrup mərhələsi davam edir.

11-ci oyun günündə 4 qarşılaşma keçirilib.

C qrupunda 1/8 finala vəsiqəni təmin edən Niderland Şimali Makedoniya ilə qarşılaşıb və 3:0 hesabı ilə qalib gələrək qrupu 1-ci pillədə tamamlayıb. 

Niderland "pley-off"da D, E və ya F qrupunda 3-cü yeri tutan kollektivlə qarşılaşacaq. Bu qrupun digər görüşündə isə  Avstriya Ukraynanı 1:0 hesabı ilə məğlub edərək qrup 2-cisi kimi 1/8 finala yüksəlib. Komanda bu mərhələdə A qrupunun 1-cisi İtaliya ilə üz-üzə gələcək.

B qrupunda Rusiya Danimarka ilə, Finlandiya Belçika ilə qarşılaşıb. Bu qrupda ötən tur Belçika 1/8 finala vəsiqə qazanmışdısa, digər 3 komanda bu yer uğrunda mübarizəni davam etdirirdi. Danimarka Rusiyaya 4:1, Belçika isə Finlandiyaya 2:0 hesabı ilə qalib gəlib. Bu nəticədən sonra sözügedən hər 3 komandanın 3 xalı olub. Top fərqindəki üstünlüyə görə Danimarka qrupdan çıxıb. Rusiya turnirlə vidalaşmalı olub. Finlandiyanın isə ən yaxşı 3-cü yerin sahibi kimi 1/8 finala çıxmaq şansı qalır.
   

AVRO-2020, 3-cü tur

21 iyun

B qrupu

23:00. Rusiya - Danimarka - 1:4
Qollar: Damsqaard, 38 (0:1), Poulsen, 59 (0:2), Dzyuba, 69-pen. (1:2), Kristensen, 79 (1:3), Mahle, 82 (1:4)
Baş hakim: Klemen Turpin (Fransa)
Kopenhagen. "Parken" stadionu

23:00. Finlandiya - Belçika - 0:2
Qol: Hradeki, 74-avtoqol (0:1), Lukaku, 81 (0:2)
Baş hakim: Feliks Brix (Almaniya)
"Sankt-Peterburq" stadionu
 

C qrupu
20:00. Ukrayna - Avstriya - 0:1
Qol: Baumqartner, 21
Baş hakim: Cüneyt Çakır (Türkiyə)
Buxarest. "Nasional" stadionu

20:00. Şimali Makedoniya - Niderland - 0:3
Qollar: Memfis Depay, 24, Veynaldum, 51, 58
Baş hakim: İştvan Kovaç (Rumıniya)
Amsterdam. "Yohan Kroyf Arena"