“Xiaomi” 48 meqapikselli kameraya malik televizor buraxacaq

Tarix: 30 Iyun 2021 09:45

“Xiaomi” şirkəti qoşa kamera ilə təchiz edilən ilk televizorun fotoşəklini dərc edib. Bu barədə “GizmoChina” nəşri məlumat yayıb.

“ICTnews” Elektron Xəbər Xidməti “Lenta” resursuna istinadən yazır ki, şirkət “Mi TV 6” televizorunun nümayişini planlaşdırır. O, qoşa kamera ilə təchiz edilən ilk model olacaq. Bu komponent korpusun yuxarı hissəsində gizlədilib – kamera lazım olduqda korpusdan çıxarılır. O, hər biri 48 meqapikselli iki obyektivdən ibarətdir.

Qoşa kameranın dəqiq təyinatı açıqlanmasa da, jurnalistlərin fikrincə, o, əlavə reallıq və fitnes proqramları üçün istifadə ediləcək. Bundan başqa, televizor yeni interaktiv rejimlə təchiz ediləcək.

Bildirilir ki, televizor “QLED Quantum Dot” matrisası, avtomatik parlaqlıq və rəng quraşdırma funksiyası, oyunlar zamanı zəif yubanma üçün “AMD FreeSync Premium” texnologiyası dəstəyi və “Xbox üçün hazırlanıb” (Designed For Xbox) sertifikatına malik olacaq. “Mi TV 6” televizoru “Dolby Vision IQ” texnologiyası, ümumi gücü 100 vatt olan quraşdırılmış dinamiklər, iki “HDM 2.1” portu, “Wi-Fi 6” modulu ilə təchiz olunacaq. Yeni televizorun buraxılışı iyunun 28-nə nəzərdə tutulur. “Mi TV 6” əvvəlcə Çin bazarı üçün təqdim ediləcək.

Nizam Nuriyev