Çempionlar Liqası: “Neftçi” - “Dinamo” oyununda üç qol vuruldu

Tarix: 14 Iyul 2021 22:58

22:53

Sonxeber.net bildirir ki, Azərbaycan çempionu "Neftçi" bu gün futbol üzrə Çempionlar Liqasında (ÇL) növbəti matçına çıxdı. Paytaxt təmsilçisi ÇL-in 1-ci təsnifat mərhələsi çərçivəsində Gürcüstanın "Dinamo" (Tiflis) komandasını qəbul etdi. Oyun "Neftçi"nin qələbəsi ilə bitdi - 2:1. Beləliklə "Neftçi" ilk mərhələni keçdi və ÇL-in 2-ci təsnifat mərhələsində Yunanıstan təmsilçisi "Olimpiakos"la qarşılaşacaq.

---------

22:25

Azərbaycan çempionu "Neftçi" bu gün futbol üzrə Çempionlar Liqasında (ÇL) növbəti matçına çıxacaq. Sonxeber.net matc.az-a istinadən bildirir ki, paytaxt təmsilçisi ÇL-in 1-ci təsnifat mərhələsi çərçivəsində Gürcüstanın "Dinamo" (Tiflis) komandasını qəbul edir.

Bu komandalar arasında səfərdə baş tutan ilk oyun "ağ-qaralar"ın qələbəsiylə yekunlaşıb - 2:1. Bu üzdən Bakı klubuna mərhələ adlamaq üçün heç-heçə də sərf edir.

Oyunu azarkeşlər də tribunadan izləyir. Son 9 avrokubok görüşünü qolsuz tərk etməyən "ağ-qaralar"ın bu dəfə də rəqib qapısına yol tapacağı istisna olunmur.

Qeyd edək ki, bu cütün qalibi ÇL-in 2-ci təsnifat mərhələsində Yunanıstan təmsilçisi "Olimpiakos"la qarşılaşacaq. Məğlub komanda isə yoluna Konfrans Liqasında davam etdirəcək. Həmin komandanı "Makkabi" (Hayfa, İsrail) - "Kayrat" (Qazaxıstan) cütünün uğursuzu ilə duellər gözləyəcək.

UEFA Çempionlar Liqası
1-ci təsnifat mərhələsinin cavab oyunu
14 iyul

Neftçi - Dinamo (Tiflis) 2:1 (2-ci hissə)
Qol: E.Mahmudov, 58-pen. N.Ələsgərov, 68 - M.Radin, 51.
Baş hakim: Dumitru Muntean (Moldova).

Neftçi: 30. Aqil Məmmədov, 3. Mamadu Mbodj, 6. Voyislav Stankoviç, 7. Namiq Ələsgərov, 8. Emin Mahmudov (k), 10. Sezar Meza Kolli, 20. Mert Çelik, 24. Yusuf Laval, 26. Ömər Buludov, 29. Sabir Buqrin, 36. Mamadu Kane.
Ehtiyat oyunçular: 12. Kamran İbrahimov, 94. Əlirza Müştəbazadə, 11. Harramiz Suares, 19. Fəhmin Muradbəyli, 21. İsmayıl Zülfüqarlı, 22. Mirabdulla Abbasov, 37. Vüsal Əsgərov, 70. Asim Əlizadə, 72. Emin Zamanov, 97. Xəyal Nəcəfov.
Baş məşqçi: Samir Abasov.
Dinamo: 30. Roin Kvasxvadze, 6. Bakar Kardava, 8. Milan Radin, 9. Georgi Qabedava, 12. Levan Xarabadze, 15. Georgi Papava (k), 19. Simon Qbeqnon, 21. Georgi Kutsiya, 22. Fabian Sporkslede, 32. Zoran Maruşiç, 39. Saba Xvadagiani.
Ehtiyat oyunçular: 1. Luka Kurtaladze, 13. Omar Migineişvili, 3. Aleksandr Kalandadze, 5. Davit Koburi, 17. Tornike Axvlediani, 18. Barnes Osei, 24. Nodar İaşvili, 25. Tornike Morçiladze, 27. Anzor Mekvabişvili, 31. Georgi Çxetiani, 38. Nodari Kavtaradze.
Baş məşqçi: Kaxaber Sxadadze.