Aktual mövzular: Dollar alış-satışı, Neftin qiyməti, COP29, Hava proqnozu

Kanadada özünü idarə edən elektromobil hazırlanır

Tarix: 23 Iyul 2021 01:02

Elektrikli skuter istehsalı ilə məşğul olan Kanadanın "Daymak" şirkəti 2023-cü ilədək şarj edilərkən kriptovalyuta mayninq edə bilən "Spiritus" adlı özünü idarə edən elektrikli avtomobil istehsal etmək niyyətindədir.

Sonxeber.net APA-ya istinadən bildirir ki, istehsalçı şirkət mayninq prosesini mümkün qədər sadələşdirmək üçün xüsusi proqram hazırlayır. Kriptin hasilatı üçün lazım olacaq elektrik enerjisini elektromobilin damındakı günəş panelləri təmin edəcək.

Şirkətin baş direktoru aldo Bayoççi (Aldo Baiocchi) qeyd edib ki, elektromobil buraxılana qədər kriptovalyuta məşhur bir ödəmə vasitəsinə çevriləcək: "Elektromobil istehsal olunanadək hər kəs ödənişi kriptovalyuta ilə edəcək və biz elektromobilləri məhz bunu nəzərə alaraq istehsal edirik".

Şirkətin məlumatına görə, "Spiritus" üzrə öncədən edilən sifarişlərin həcmi artıq 350 mln. ABŞ dollarını keçib. Eyni zamanda, sözügedən elektromobili "Bitcoin", "Etherium" və "Dogecoin" kimi kriptovalyutalarla almaq mümkündür.

Whatsapp ilə göndər