Aktual mövzular: Dollar alış-satışı, Neftin qiyməti, COP29, Hava proqnozu

İsrailli gimnast Bakıda keçirilən Dünya Kubokunda qızıl medal qazandı

İsrailli gimnast Bakıda keçirilən Dünya Kubokunda qızıl medal qazandı

Tarix: 28 Aprel 2019 13:32

Bakı. Cani Babayeva - Trend:

Bakıda keçirilən bədii gimnastika üzrə Dünya Kubokunda İsrail idmançısı Linoy Aşram topla hərəkətlərin yekununda 21.750 bal toplayaraq qızıl medal qazanıb.

Rusiyalı gimnast Dina Averina gümüş (21.100 bal), Belarus təmsilçisi Yekaterina Qalkina isə bürünc medal (20.500) əldə edib.

Qeyd edək ki, Bakıda Milli Gimnastika Arenasında bədii gimnastika üzrə Dünya Kubokunun üçüncü – sonuncu yarış günü başlayıb.

Bu gün fərdi proqramda halqa, top, gürzlər və lentlə hərəkətlər üzrə finallar, eləcə də qrup hərəkətləri proqramında ayrı-ayrı alətlərlə (5 top, 3 halqa və 2 cüt gürz) hərəkətlər üzrə finallar keçirilir.

Aprelin 26-dan start götürən turnirdə ümumilikdə 39 ölkədən 200-dən çox gimnast mübarizə aparır.

Trend-in ən mühüm və maraqlı xəbərlərini "Telegram"da izləyin


Etiketlər:  İsrailli gimnast Bakıda keçirilən Dünya Kubokunda qızıl medal qazandı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ