Aktual mövzular: Dollar alış-satışı, Neftin qiyməti, COP29, Hava proqnozu

UEFA reytinqi: Polşa Azərbaycana yaxınlaşıb

UEFA reytinqi: Polşa Azərbaycana yaxınlaşıb

Tarix: 5 Avqust 2021 07:34

Çempionlar Liqasının III təsnifat mərhələsinin ilk oyunlarından sonra UEFA reytinqi açıqlanıb.

Sonxeber.net "Report"a istinadən bildirir ki, Azərbaycan 13,750 xalla 29-cu pilləki yerini qoruyub.

30-cu sıradakı Polşa xallarının sayını 13,625-ə çatdıraraq bu mövqeyə yaxınlaşıb. Buna "Legiya"nın Xorvatiyada Zaqreb "Dinamo"su ilə 1:1 hesablı heç-heçə etməsi səbəb olub. Sloveniya (14,125) reytinqdə 28-cidir.

İndiyədək ölkə təmsilçilərindən "Neftçi" 0,650 xal, "Qarabağ" 0,350 xal, "Sumqayıt" isə 0,125 xal əldə edib. Bununla da cari mövsüm Azərbaycanın qazancı 1.125 xala bərabərdir. Bunlardan yalnız "gənclik şəhəri" təmsilçisi mübarizəni dayandırıb. Konfrans Liqasının II təsnifat mərhələsində Rusiya "Soçi"sinə hər iki görüşdə uduzan (0:3, 2:4) "Keşlə" reytinq xalı qazana bilməyib.

Siyahıya 87,926 xalla İngiltərə başçılıq edir. İspaniya (80,570) ikinci, İtaliya (63, 473) üçüncüdür.

Qeyd edək ki, "Qarabağ" bu gün Konfrans Liqasının III təsnifat mərhələsinin ilk oyunununda Kiprin AEL klubunun qonağı olacaq.


Etiketlər:  UEFA reytinqi Polşa Azərbaycana yaxınlaşıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ