Aktual mövzular: Dollar alış-satışı, Neftin qiyməti, COP29, Hava proqnozu

Azərbaycandakı vaksinlər hansı şəraitdə saxlanılır? - VİDEO

Tarix: 12 Avqust 2021 12:46

Son günlər sosial şəbəkələrdə vaksinlərin düzgün qaydada saxlanılmadığı ilə bağlı iddialar yayılır. Belə məlumatların yayilması isə insanlar arasında çaşqınlıq yaradır. Məsələnin ciddiliyini nəzərə alan "Xəzər Xəbər"in əməkdaşları Səhiyyə Nazirliyinin tabeliyində olan İnnovasiya və Təchizat Mərkəzinə üz tutublar. Kameramıza ölkəmizə gətirilən vaksinlərin saxlanma şəraiti və xüsusi soyuducular nümayiş etdirilib. Hər bir vaksinin hansı temperaturda saxlanıldığı əyani göstərilib.

Milli.Az xezerxeber.az-a istinadən bildirir ki, respublikaya daxil olan vaksinlər dondurucularla təmin olunmuş xüsusi anbarlarında saxlanılır.

İnnovasiya və Təchizat Mərkəzinin müdiri Elşən Süleymanov bildirib ki, vaksinlər ölkəmizə xüsusi qutularda gətirilir.

Ümumilikdə anbarda 3 milyon dozadan artıq vaksin var.

Gün ərzində bu mərkəzdən tələblərə uyğun olaraq vaksinlər daşınır və xəstəxanalara paylanır.

Mövzu ilə bağlı daha ətraflı videomaterialı təqdim edirik:

Milli.Az

Whatsapp ilə göndər