Ölüm riskini 17 faiz azaldan TƏBİİ MÖCÜZƏ

Tarix: 1 Sentyabr 2021 23:21

Macarıstanın Zemmelvels (Semmelweis) Universiteti bu günə qədər reallaşdırılan ən geniş qəhvə araşdırması aparıb.

Sonxeber.net xəbər verir ki, 11 il boyu 468 min 629 adamın qəhvə istehlakı ilə sağlıq problemləri arasındakı əlaqə araşdırılıb. Nəticəsinə gəlinib ki, qəhvə ürək xəstəliyi riskini əhəmiyyətli ölçüdə azaldır.

Araşdırmaya görə, gündə 3 fincan qəhvə içmək ürək xəstəliklərindən yaranan ölüm riskini 17, infarktı 21 faiz azaldır.

Amerika Milli Xərçəng İnstitutu da 2020-ci ildə gündə 6-7 fincan qəhvə içmənin xəstəlikdən ölüm ehtimalını 16 faiz azaltdığını araşdırmışdı.

Bundan başqa, qəhvə depressiyanı 20, şəkəri isə 27 faiz azaldır.

Mütəxəssislər içərisindəki qatqılara görə qəhvənin sağlamlığa zərərli ola biləcəyi barəsində də qeydlər ediblər. (publika.az)