Ermənistan hərbçiləri sərhəddə əməliyyat şəraitini pozacaq addım ata bilməz - Generaldan açıqlama - VİDEO

Tarix: 29 Sentyabr 2021 12:56

Vətən müharibəsi həm də dövlət sərhədlərimizin bərpa olunması və yenidən etibarlı əllərə keçməsi ilə nəticələndi. Cənub cəbhəsində sürətlə irəliləyən bölmələrimiz ildırımsürətli əks-hücumla düşmənə sarsıdıcı zərbələr endirib.Dövlət Sərhəd Xidmətinin "Harop", "Quzğun" və "Hermes" pilotsuz uçuş aparatlarının peşəkar tətbiqi nəticəsində düşmənin strateji əhəmiyyətli döyüş texnikaları, komanda idarəetmə məntəqələri və çoxsaylı canlı qüvvəsi zərərsizləşdirildi. Pilotsuz uçuş aparatlarının idarə edilməsinə rəhbərlik edən və döyüşlərin əsas komandirlərindən olan general-leytenant Əfqan Nağıyev

Sonxeber.net bildirir ki, "Xəzər Xəbər"ə eksklüziv müsahibəsində  44 günlük Vətən müharibəsində sərhədçilərimizin keçdiyi döyüş yolundan danışıb.

Əfqan Nağıyev hazırda sərhəddə olan son vəziyyət haqqında da məlumat verib.

Xezerxeber.az-ın məlumatına görə, Vətən müharibəsində cəmi 24 saat ərzində 105 kilometr məsafədə dövlət sərhədi düşməndən təmizləndi. Sərhədçilərimizin cənub cəbhəsində Füzulidən başlayan döyüş yolu Şuşaya qədər xalqımızı qələbədən qələbəyə apardı.

Sərhəd qoşunlarının xüsusi təyinatlı qüvvələri olan çevik hərəkat bölükləri şiddətli döyüşlərdə düşmənin qəniminə çevrildi.

General-leytenant Əfqan Nağıyevin rəhbərlik etdiyi pilotsuz uçuş aparatları döyüş əməliyyatlarının icrasının sürətləndirilməsində müstəsna rol oynadı. Beləcə, cənub cəbhəsinin ən hündür yüksəkliyi olan Bartaz və Şurataz azad edildi. Çevik hərəkat qüvvələrinin hədəfi bəlli idi: Azərbaycan sərhədi tam bərpa olunmalıydı. Əsas həlledici döyüşlərdən olan Ağbənd əməliyyatı bu istiqamətdə sıxışdırılan düşmənin taleyini həll etdi. Ermənistan ərazisində olan yollar tam nəzarətə götürüldü.

Əməliyyat nəticəsində Ermənistan ordusu xeyli canlı qüvvə və texnika itirdi. Azərbaycanın bu istiqamətdən şimala, Qarabağın cənubuna, Zəngilan və Qubadlı rayonları ərazisinə doğru irəliləməsi üçün yol açıldı. Üstəlik, Azərbaycan-İran sərhədinin nəzarətə götürülməsi ilə qanunsuz silah dövriyyəsi, narkotik maddələrin daşınması və bir çox qanunsuz fəaliyyətlərin qarşısı tam alındı. Yüksəkliklərdə dayanan Azərbaycan sərhədçisi Ermənistanın bu istiqamətdə olan yollarına, döyüş postlarına ovuclarının içindəymiş kimi nəzarət etməyə başladı.

Vətən müharibəsində sərhədçilərimiz Füzuli, Cəbrayıl, Zəngilan və Qubadlı rayonlarının, Hadrut qəsəbəsinin və Şuşa şəhərinin azad olunmasında yaxından iştirak edib. Pilotsuz uçuş aparatlarından effektiv idarəetmə sayəsində ümumilikdə 290 düşmən hədəfi məhv edilib. İşğalçı düşmən qüvvələrinə qarşı fədakarlıqla döyüşən, rəşadət və qəhrəmanlıq nümunələri göstərən sərhədçilərin 41 nəfərinə "Vətən Müharibəsi Qəhrəmanı" adı, "Zəfər" və "Qarabağ" ordenləri verilib. Pilotsuz uçuş aparatlarının komandiri general-leytenant Əfqan Nağıyev isə döyüşlərdə göstərdiyi şücaətə görə "Qarabağ" ordeni, Cəbrayıl, Zəngilan və Füzulinin azad olunmasına görə medalları ilə təltif edilib.

Mövzu ilə bağlı daha ətraflı videomaterialı təqdim edirik: