Aktual mövzular: Dollar alış-satışı, Neftin qiyməti, COP29, Hava proqnozu

''Qarabağ''ın aqressiv olacağını düşünmürəm'' - Devid Hili

''Qarabağ''ın aqressiv olacağını düşünmürəm'' - Devid Hili

Tarix: 21 Avqust 2019 20:28

"Bizi çətin oyun gözləyir. "Qarabağ" avrokuboklarda daimi çıxış edən yaxşı kollektivdir. Onların Kiprin APOEL klubuna qarşı son oyunlarına baxdım və ikinci oyunun nəticəsi məni təəccübləndirdi".

Bu sözləri Şimali İrlandiyanın "Linfild" klubunun baş məşqçisi Devid Hili "Qarabağ"la keçirəcəkləri Avropa Liqasının pley-off mərhələsinin ilk oyunundan öncə mətbuat konfransda deyib.

40 yaşlı mütəxəssis Ağdam təmsilçisinin Çempionlar Liqası ilə vidalaşdığı üçün məyus olduğunu diqqətə çatdırıb: "Rəqib indi daha da diqqətli oynayacaq. "Qarabağ"ın növbəti matçda çox aqressiv olacağını düşünmürəm. Biz hər iki görüşdə ən yaxşı oyunumuzu sərgiləməliyik. Müsbət nəticə qazanmaq üçün əlimizdən gələni edəcəyik. "Qarabağ"ın heyətində yaxşı futbolçular var".

Qeyd edək ki, Belfastdakı qarşılaşma avqustun 22-də Bakı vaxtı ilə saat 22:45-də start götürəcək. Cavab görüşü avqustun 29-də Tofiq Bəhramov adına Respublika Stadionunda keçiriləcək (Report).

 


Etiketlər:  Qarabağın aqressiv olacağını düşünmürəm Devid Hili


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ