Aktual mövzular: Dollar alış-satışı, Neftin qiyməti, COP29, Hava proqnozu

Hollivud ulduzu ağır xəstənin arzusunu gerçəkləşdirdi - VİDEO - FOTO

Tarix: 15 Oktyabr 2021 12:15

Hollivud ulduzu və ifaçı Cared Leto Rusiyadan olan ağır xəstə qızın arzusunu yerinə yetirib - ad günündə ona zəng edib.

Sonxeber.net oxu.az-a istinadən xəbər verir ki, Nastya adlı qız həm Caredin, həm də onun "30 Seconds To Mars" qrupunun pərəstişkarıdır. O, 11 yaşından incəsənətlə maraqlanır, artistin bütün mahnılarını əzbər bilir, hətta konserti üçün saatlarla növbə gözlədiyi vaxtlar olub.

Nastya özünün 27-ci yaş gününü Tsarinski hospisində qarşılayıb. Bu vaxt onun qardaşı "Vera" Xeyriyyə Cəmiyyəti ilə əlaqə saxlayaraq, bacısının öz kumirindən dəstək istəyini deyib. Bu imkansız görünsə də, fondun meneceri bunu bacarıb.

Sonunda Cared Leto Nastyaya zəng edib və onunla danışıb.