Şəhid Fərrux Həşimov: Doğulduğu rayonu azad edən xüsusi təyinatlı - VİDEO

Tarix: 4 Noyabr 2021 15:14

Torpaqlarımızın işğaldan azad edilməsində gözünü qırpmadan canını fəda edən hərbiçilərimizdən biri də şəhid Fərrux Həşimovdur. Sumqayıtdakı Şəhidlər Xiyabanında şəhidimizin keçdiyi döyüş yolundan bəhs edilib.  

Milli.Az Xəzər TV-yə istinadən xəbər verir ki, Vətəni bütün varlığı, ruhu ilə sevdi...

Fərrux Həşimov vətənin dar günündə cəbhəyə könüllü getdi. Vətəndən pay olmur deyib , canından keçdi. Sumqayıt şəhər Şəhidlər Xiyabanında qəhrəmanımızın  il dönümü qeyd olunub.

Həyat yoldaşı Fərqiyə Həşimova deyir ki, Hərbi Dəniz Qüvvələrinin  Xüsusi Təyinatlı Dəstəsində xidmət edən Fərrux Həşimov Vətən müharibəsi   zamanı  Cəbrayıl, Füzulinin, Qubadlı və Xocavənd istiqamətində gedən döyüşlərə qatılıb.Fərrux  noyabrın 1-də  Qırmızı Bazar istiqamətində gedən döyüşlər  zamanı şəhid olub.

Döyüş yoldaşları da onun düşmən səngərlərini alarkən necə qəhrəmanlıq göstərdiyindən  danışıb.

Şəhidmizin Vətənə 3 azyaşlı övladı əmanət qalıb.  Fərrux Həşimov "Qarabağ" ordeni ,  "Vətən uğrunda"  , "Cəbrayılın azad olunmasına görə"  , "Füzulinin azad olunmasına görə"  ,  "Xocavəndin azad olunmasına görə"  , "Qubadlının azad olunmasına görə"  medalları ilə təltif edilib.

Milli.Az