Aktual mövzular: Dollar alış-satışı, Neftin qiyməti, COP29, Hava proqnozu

Misir parlamentinin komitə sədri Prezident İlham Əliyevi təbrik edib

Tarix: 5 Noyabr 2021 19:45

Misir parlamentinin Dini məsələlər və vəqflər komitəsinin sədri Prof. Dr. Əli Cümədən Azərbaycan Respublikasının Prezidenti İlham Əliyevə təbrik məktubu gəlib.

Sonxeber.net AZƏRTAC-a istinadən bildirir ki, məktubda deyilir:

"Zati-aliləri,

8 Noyabr - Zəfər Günü münasibətilə Sizə ən səmimi təbriklərimi və xoş arzularımı çatdırmaqdan məmnunluq duyuram. Qardaş Azərbaycan beynəlxalq səviyyədə tanınmış torpaqlarını bu Zəfərlə geri qaytarmışdır. Bu, ölkənin, hətta regionun inkişafına töhfə verəcək və dünyada sülhü təşviq edəcəkdir.

Allaha dua edirik ki, qardaş Azərbaycan Respublikası Sizin müdrik və uzaqgörən rəhbərliyinizlə daim əmin-amanlıq və tərəqqi içində yaşasın.

Bir daha Sizə səmimi salamlarımı və xoş arzularımı çatdırıram".

Whatsapp ilə göndər