Şəhid İbarət Əkbərov döyüşlərdə böyük şücaət göstərib - VİDEO

Tarix: 15 Noyabr 2021 14:02

Vətən müharibəsində canını fəda etmiş igid hərbçilərimizdən biri də İbarət Əkbərov olub.

Sonxeber.net Xəzər TV-yə istinadən xəbər verir ki, İbarət  Əkbərov 1993-ci ildə Yardımlı rayonun Mirimli kəndində anadan olub.

Doqquzuncu sinfi bitirdikdən sonra ailəsi ilə birlikdə Cəlilabada köçürlər. Orta təhsilini bitirdikdən sonra İbarət hərbi xidmətə yollanıb. Hərbi xidmətini başa vurduqdan bir müddət sonra müddətdən artıq hərbi qulluqçu kimi yenidən ordu sıralarına qayıdıb. 44 günlük Vətən müharibəsi başlayanda hücuma ilk  qoşulanlardan biri də İbarətin xidmət etdiyi hərbi bölmə olur.

O, Füzulinin azad olunması uğrunda gedən döyüşlərdə böyük şücaət göstərib. Döyüşlər zamanı 2 dəfə yaralanıb. Qəhrəmanımız sağalar-sağalmaz yenidən döyüşlərə qatılır. İbarət Əkbərov Füzuli istiqamətində gedən döyüşlərdə qəhrəmancasına şəhid olub.

Onun xatirəsini əbədiləşdirmək üçün yaşadığı Pirivolneye kəndində bulaq komleksinin açılışı olub. Açılışda rayon ziyalıları, kənd sakinləri və şəhidin doğmaları iştirak ediblər. Çıxış edənlər qəhrəmanımızın döyüş yolundan danışıblar.

Qəhrəman şəhidimiz İbarət Əkbərov ölümündən sonra "Vətən uğrunda " və "Füzulinin azad olunmasına görə" medalları ilə təltif edilib.

Mövzu ilə bağlı daha ətraflı videomaterialı təqdim edirik: