Aktual mövzular: Dollar alış-satışı, Neftin qiyməti, COP29, Hava proqnozu

Müdafiə nazirinin evində İran casusu aşkarlandı

Tarix: 18 Noyabr 2021 21:04

İsrailin müdafiə naziri Beni Qantsın evində işləyən süpürğəçi İrana casusluq etməkdə şübhəli bilinərək həbs edilib.

Sonxeber.net virtualaz.org-a istinadən bildirir ki, İsrailin Ümumi Təhlükəsizlik Xidməti ilə polisinin birgə fəaliyyəti nəticəsində 2021-ci ilin noyabrında müdafiə nazirinin evini təmizləyən İsrail vətəndaşı Omri Qoren sorğu-sual üçün həbs edilib.

İlkin məlumatlara görə, Omri həbsindən bir neçə gün əvvəl öz təşəbbüsü ilə sosial şəbəkələr vasitəsilə nazirin evinə girişi olduğunu nəzərə almaqla İrana aid bir neçə təşkilata müxtəlif yardımlarını təklif edib.

Süpürğəçi Gants-ın kompüterlərinə zərərli proqramların quraşdırılmasını təklif edib. Niyyətlərinin ciddiliyini sübut etmək üçün, o, evin müxtəlif otaqlarının fotoşəkillərini, o cümlədən Gantsın kompüterinin şəklini göndərib.

ŞABAK-da vurğulayıblar ki, Omri Gorenin dövlət əhəmiyyətli mühüm məlumatlara çıxışı olmadığı üçün İsrailin təhlükəsizliyinə heç bir ziyan dəyməyib.

Whatsapp ilə göndər