Körpə ikən anasını itirən şəhid...

Tarix: 19 Noyabr 2021 08:12

Noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatları zamanı şəhid olan 7 hərbi qulluqçumuzdan biri də əsgər Murad Xəlilovdur.

Sonxeber.net "qafqazinfo"-ya istinadən xəbər verir ki, 19 yaşlı şəhidimiz ailənin yeganə oğlan övladı olub. O, bacısı İlahə ilə birlikdə anasız böyüyüb.

Belə ki, Muradın anası 22 yaşında dünyasını dəyişib. Bu zaman Murad Xəlilov 1 yaş 8 aylıq olub. Anasının vəfatından sonra şəhidimiz nənəsinin himayəsi altında böyüyüb.

Murad Xəlilov şəhid olmazdan təxminən 10 gün öncə məzuniyyətə gəlibmiş.

Qeyd edək ki, 2003-cü il təvəllüdlü şəhidimiz doğulduğu Şəmkirin Çinarlı qəsəbəsində torpağa tapşırılıb.

Fotoda şəhidimizin bacısı İlahə Ağayeva