Aktual mövzular: Dollar alış-satışı, Neftin qiyməti, COP29, Hava proqnozu

Baş nazirin gecə klubunda əylənməsi sərt reaksiya doğurdu - FOTO

Baş nazirin gecə klubunda əylənməsi sərt reaksiya doğurdu - FOTO

Tarix: 7 Dekabr 2021 08:54

Finlandiyanın xarici işlər naziri Pekka Haavistonun koronavirus testinin müsbət çıxdığı gün ölkənin Baş naziri Sanna Marinin gecə klubunda səhərə qədər əylənməsi ölkə vətəndaşların etirazına səbəb olub.

Sonxeber.net "qafqazinfo"-ya istinadən xəbər verir ki, vətəndaşlar sosial şəbəkələrdə Baş naziri sərt tənqid ediblər.

Finlandiya Xarici İşlər Nazirliyi nazir Haavistonun dekabrın 4-də yerli vaxtla saat 22.30-da koronavirusa yoluxduğunu açıqlayıb.

Qeyd edilib ki, nazir Haavisto ilə təmasda olan bütün dövlət işçilərinə mətn mesajı ilə məlumat verilib.

Finlandiya mətbuatında da bildirilib ki, sözügedən şəxslərə evdə qalmaq və başqa insanlarla təmasdan qaçmaq barədə xəbərdarlıq edilib.

Xəbərdə 36 yaşlı Baş nazirin gecə saat 04.00-a qədər dostları ilə əyləndiyi zaman fotosunun çəkildiyi yazılıb.

Baş nazir gecə klubunda olarkən xarici işlər naziri ona zəng edərək məlumat verib. Nazirlə yaxın təmasda olmadığı üçün evdə qalmasına ehtiyac olmadığını deyib.

Marin səhər koronavirus testi verib və nəticə neqativ çıxıb. Bildirib ki, ikinci dəfə də test verəcək və bu müddətdə başqalarından uzaq duracaq.


Etiketlər:  Baş nazirin gecə klubunda əylənməsi sərt reaksiya doğurdu FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ