Nadirin illərdir xaricdə təhsil alan oğlu görün indi nə işlə məşğuldur - Atası bilmirmiş... - FOTO

Tarix: 11 Dekabr 2021 14:10

"Ən çox bizim azərbaycanlılardır ki, hər dəfə övladı düşünür. O xüsusiyyət bizdədir ha".

Sonxeber.net xəbər verir ki, bunu Nadir Qafarzadə "Zaurla Günaydın" verilişində deyib.

Oğlanlarından danışan müğənni canlı efirdə böyük övladı Loğmanla bağlı gözlənilməz faktları açıqlayıb:

"Kiçik oğlum Əziz artıq Moskvada yaşamağa qərar verib. Orada artıq mahnılar yazıdırıb, restoranlarda müğənni kimi fəaliyyətini davam etirəcək. Əvvəl mən pul verirdim xərclik, artıq özü də qazanmağa başlayıb. İlk vaxtlar üçün bu yaxşı qazanc sayıla bilər. Düzdür, amma nə qədər qazansa da indi də ona pul verirəm, ürəyim oradadır. Əziz şirindildir, özü dil tapıb işini düz-qoş edəndir. Böyük oğlum yox, böyük oğlum biraz dağlı, bakılı xasiyyətidir. Amma Əziz özünü şirin edən, dili ilə özünə yol tapandır.

Böyük oğlum Loğman mənim İsveçrədə o qədər pulumu batırdı. Yəni təhsil aldı orada, o müddət ərzində ona nə qədər pul xərclədik. Amma indi öz işi ilə məşğul deyil, tamam başqa sahəni seçib. Demək o, futbolçu olmaq istəyirmiş, mən onun arzularını ürəyində qoymuşammış. Güya mən istəmişəm, o gedib İsveçrədə mənim arzularım puç olmaması üçün oxuyub. İndi futbol komandasında məşqçi kimi çalışır. Ona İsveçrədə tökdüyüm pula Azərbaycanda futbol komandası yarada bilərdim. 

O, artıq məşqçi statusunu alıbdır. Heç vaxt maraqlanmamışam ki, hansı komandada çalışır. Çünki bu uşaq xoşlamır özü haqqında informasiya verməyi. Mən bu yaxınlarda bilmişəm ki, - şkafını açdım ki, birdən parfumu qurtara bilər, oğlan uşağıdır da, - gördüm orada canamaz var. Demək, o, aylardır-illərdir namaz qılırmış, mənim heç xəbərim yox imiş. Nişanlısı ilə demək, 4 il olar oturub-durublar, bizim xəbərimiz yoxdur. Loğman ümumiyyətlə bizə deyirdi ki, "evlənməyəcəm, mənə evlənmək sözü deməyin".  

Məhəmməd Vaqif