Aktual mövzular: Dollar alış-satışı, Neftin qiyməti, COP29, Hava proqnozu

Azarkeşlər Mahir Emrelinin komandasına hücum etdi

Tarix: 13 Dekabr 2021 10:20

Azərbaycan millisinin hücumçusu Mahir Emrelinin komandası "Legiya"nın uğursuz çıxışı azarkeşlərin səbir kasasını daşırıb.

Sonxeber.net apasport.az-a istinadən xəbər verir ki, Varşava təmsilçisinin Ekstraklasanın XVIII turunda Plotsk "Visla"sına məğlubiyyəti (0:1) klubun fanatlarını qəzəbləndirib.

Qarşılaşmanın final fitindən dərhal sonra bazaya yollanan komandanı qəzəbli fanat ordusu qarşılayıb. Hətta onlar avtobusa girərək qarşıdurmaya da yol açıblar. Nəticədə komandanın adı açıqlanmayan iki əcnəbi futbolçusu xəsarət alıb. Dərhal məşq mərkəzində polis maşınları peyda olub. Bu, yerli polisin tvitter hesabında da əksini tapıb. Lakin onlar oyunçuların xəsarət alması ilə bağlı məlumatı təsdiqləməyiblər.

Yayılan məlumata görə, bu məğlubiyyətin ardından baş məşqçi Marek Qolebyevski paltardəyişmə otağında futbolçularla vidalaşıb və istefa verib.

Qeyd edək ki, "Legiya" hazırda 12 xalla turnir cədvəlinin son pilləsində qərarlaşıb.

Whatsapp ilə göndər