Toyda kim necə görünürdü? - Ən çox qaranı seçdilər - FOTOlar

Tarix: 21 Dekabr 2021 17:40

Müğənni Nadir Qafarzadənin oğlu Loğmanın toyunda xeyli sayda məşhur sima iştirak edib.

Sonxeber.net Olay-a istinadən xəbər verir ki, gecədə ən çox gözə çarpan xanımların geyimi olub. Onların ən çox qara rəngə üstünlük verməsi diqqət çəkib.

Əkizlər Sevil və Sevinc qara məxməri libaslarını gümüşü sırğalarla tamamlayıb.

Rəqqasə Fatimə Fətəliyeva da qara parıltılı geyim seçsə də, aksessuar seçimində qızılı rəngə üstünlük verib. O, kombinasiyasını qızılı klatç, üzüklər və sırğa ilə yekunlaşdırıb.

Əməkdar artist Manana Caparidze isə həmkarlarından fərqli olaraq toya parıltılı tulum geyinməyi seçib. Müğənni Gülay Zeynallı da qara rəngə üstünlük verənlər sırasındadır. "Kim haradan geyinir" səhifəsi bildirib ki, onun donu "SELF-PORTRAIT"ə, ayaqqabısı isə "Jimmy Choo" brendinə məxsusdur.

Daha bir brend libasla gecəyə qatılan şəxs isə Xalq artisti Röya Ayxandır. Sənətçi "Christopher Esber"ə məxsus açıq yaşıl rəngli geyimini qızılı boyunbağı ilə tamamlayıb.

Xatirə İslam isə məclisə qara şifon donla qatılmağa üstünlük verib.

Müğənnilər Günay İbrahimli, Roza Zərgərli və Ayan Babakişiyeva ağ libasla gecəyə qatılıblar. Ayan uzun yarıqlı libasa üstünlük versə də, Günay uzun donunu ağ pencəklə tamamlamağı seçib.

Roza Zərgərli isə gecəyə parıltılı uzun libasla qatılıb.

Vizajist Nigar İbrahimova məclisə bol kəsimli qara donla gəlib. O, "over size" libasını gümüşü klatçla kombinə edib. Nazənin Salayeva və Nazilə Səfərlinin oxşar rəngli geyimləri və üzərindəki parıltılı detallar diqqətdən yayınmayıb.

Aşıq Samirə və aparıcı Lamiyyə Ələkbərova qırmızı rəngə üstünlük veriblər.

Müğənni Nura Suri də həmkarlarının çoxu kimi qara libas seçib.

Aparıcı Günay Baxşəliyeva isə "leopard" tərzindəki geyimi ilə diqqət çəkib.

Xalq artisti Məleykə Əsədova ilə Əməkdar artist Nüşabə Ələsgərli də eyni rəngdə geyim seçiblər. Onlarla bir əyləşən Təranə Qumral isə boz və parıltılı libası ilə tandemi pozub.

Şəbnəm Tovuzlu da toya qara libasla qatılmağı seçib.