Aktual mövzular: Dollar alış-satışı, Neftin qiyməti, COP29, Hava proqnozu

Bakıda əcaib zolaq: bu prospektin yarısı... - Foto

Tarix: 27 Dekabr 2021 04:36

Bakının Rəşid Behbudov prospektində avtobus üçün qoşa zolaq ayrılıb.

Sonxeber.net Axar.az-a istinadən bildirir ki, prospektin Şəmsi Bədəlbəyli küçəsi ilə kəsişdiyi ərazidə avtobus üçün iki zolağın ayrılması ciddi problemlərə səbəb olur. Belə ki, prospektin az qala yarısı minik avtomobilləri üçün qadağan edilib, bu isə avtomobillərin gur olduğu ərazidə ciddi sıxlığa gətirib çıxarır.

Marşrut avtobusları üçün şəhərin mərkəzində və ən işlək küçəsində niyə iki geniş zolaq ayrılmalıdır və bunu kim, nə üçün düşünüb?

Bu sualın cavabını peşəkar sürücülər də bilmir. Çünki bu qədər əcaib bir qərara heç bir yerdə rast gəlmək mümkün deyil.

Xatırladaq ki, marşrut avtobusları üçün xüsusi zolağın çəkilməsini Bakı Nəqliyyat Agentliyi həyata keçirir.