Kazımabad kəndinin problemləri - VİDEO

Tarix: 30 Dekabr 2021 15:38

İzlədiyiniz görüntülər qaynar xəttimizə Cəlilabad şəhər sakini Vüsal Miriyev tərəfindən göndərilib. Vətəndaş bildirir ki, Cəlilabad rayonu Kazımabad kəndində təqribən 600 m-lik məsafəni əhatə edən bərbad yol sakinlərin gündəlik istifadəsinə xidmət edir. Xüsusən qarlı-yağışlı havalarda yaranan gölməçələr və palçıq yoldan istifadəni demək olar ki, mümkünsüz edir. Məktəbəblilərin də daima istifadəsində olan yolun təmiri üçün dəfələrlə qurumlara müraciət olunsa da problem həllini tapmır . Vüsal Miriyev qeyd edib ki, kəndin digər problemi təbii qazla bağlıdır. belə ki, ərazidə mavi yanacğın yoxluğu kənd sakinlilərinə bir sıra çətinliklər yaşadır.Problemlərə bağlı qurumlarla əlaqə saxladıq. kəndin yol məsələsinə Cəlilabab rayon İcra Hakimiyyəti münasibət bildirdi. video çəkilişlə Kazımabad kənd İnzibati ərazi dairəsində görülüən işlər haqda məlumat verildi.

Qurum tərəfindən yazılı şəkildə isə bildirildi ki, şikayətçilər tərəfindən göndərilən görüntülər yeni yaşayış massivinə aiddir. indi həmin küçədə də abadlıq işləri aparılması üçün hazırlıq işləri görülür

Kəndə mavi qazın verilməsi məsələsinə isə "Azəriqaz" İ.B-yi aydınlıq gətirdi.

Ümid edək ki, yeni ildən Kazımabad kəndinin də problemləri həllini taparaq abad kəndlər siyahısına əlavə olunar.

Sonxeber.net Real tv-nin hazırladığı sujeti təqdim edir: