Aktual mövzular: Dollar alış-satışı, Neftin qiyməti, COP29, Hava proqnozu

“Beşiktaş” - “Fənərbağça” matçı Bakıda olacaq? - FOTO

Tarix: 6 Yanvar 2022 15:12

2011-ci ildə keçirilməmiş Türkiyə Super Kubokunun finalı Bakıda oynanılacaq.

Sonxeber.net oxu.az-a istinadən xəbər verir ki, bu iddia ilə məşhur türkiyəli jurnalist, futbol şərhçisi Ərtəm Şənər çıxış edib.

O bildirib ki, "Beşiktaş" - "Fənərbağça" matçı avqustda Bakı Olimpiya Stadionunda keçiriləcək.

Bakı Olimpiya Stadionunun direktoru Cavid Qarayev isə Oxu.Az-a açıqlamasında onlarda belə bir məlumat olmadığını bildirib.

Qeyd edək ki, həmin matç "Fənərbağça" prezidenti Aziz Yıldırımın rüşvət iddiasına görə baş tutmayıb. Yaxın günlərdə onun günahsızlığı sübuta yetirildiyindən, "Fənərbağça" həmin matçın təşkil olunmasını tələb edib.

Xatırladaq ki, 2011-ci ildə "Fənərbağça" Türkiyə Super Liqasının, "Beşiktaş" isə ölkə kubokunun sahibi olub.