Aktual mövzular: Dollar alış-satışı, Məzənnə, Neftin qiyməti

Azərbaycan ərəb ölkələrinə zəfəran ixrac edəcək - VİDEO - FOTO

Azərbaycan ərəb ölkələrinə zəfəran ixrac edəcək - VİDEO - FOTO

Tarix: 25 Yanvar 2022 14:04

Yanvarın 18-21-də Türkiyənin Antalya şəhərində keçirilmiş 28-ci Beynəlxalq Qida və İçki Sərgisi çərçivəsində Azərbaycan sahibkarları yeni əməkdaşlıqlara dair ilkin razılıqlar əldə ediblər. Sərgidə təmsil olunan mürəbbə, təbii sıxım yağlarının və əzmələrin istehsalçıları distribüterliyə dair Türkiyə şirkətləri ilə, zəfəran istehsalçıları yerli zəfəran və ondan hazırlanmış məhsulların ərəb ölkələrinə ixracına, quru meyvə istehsalçısı isə qurudulmuş xurmanın Türkiyənin ticarət şəbəkələrində satışına dair ilkin razılıq əldə ediblər.

Qeyd edək ki, sərgidə Kiçik və Orta Biznesin İnkişafı Agentliyinin (KOBİA) təşkil etdiyi xüsusi stenddə 15 mikro və kiçik sahibkarlıq subyekti məhsullarını təqdim edib. "Made in Azerbaijan" stendində quru meyvələr, təbii sıxım yağları, konservləşdirilmiş məhsullar, meyvə şirələri, çay, giləmeyvələr, zəfəran və ondan hazırlanmış məhsullar, çərəzlər, şirniyyat, şokolad və digər qida məhsulları nümayiş olunub.

Milli.Az


Etiketlər:  Azərbaycan ərəb ölkələrinə zəfəran ixrac edəcək VİDEO FOTO


RƏYLƏR



Populyar Xəbərlər

XƏBƏR LENTİ