Aktual mövzular: Dollar alış-satışı, Məzənnə, Neftin qiyməti

UEFA "Qarabağ"la oyunu təhlükəli səfər adlandırdı

UEFA

Tarix: 3 Fevral 2022 13:26

UEFA "Qarabağ"a qarşı UEFA Konfrans Liqasının pley-off mərhələsində Bakıdakı oyununu Fransa "Marsel"i üçün təhlükəli səfər adlandırıb.

Milli.Az report-a istinadən xəbər verir ki, bu barədə Avropa futbol qurumunun rəsmi saytında Konfrans Liqasının pley-off oyunlarına həsr olunmuş yazıda bildirilir.

Qurum ilk qarşılaşmada Fransa təmsilçisinin Azərbaycan klubunu qəbul edəcəyini xatırladıb: "Marsel" Konfrans Liqasının qrupunda İsveçrə "Bazel"indən sonra ikinci yeri tutan, lakin Kipr "Omoniya"sı və Qazaxıstan "Kayrat"ını xeyli qabaqlayan "Qarabağ"a çağırış edir. Xorxe Sampaolinin baş məşqçi olduğu komanda Avropanın digər ucuna təhlükəli səfərdən əvvəl qış fasiləsi səbəbindən fevralın əvvəlinədək matç keçirməyən komandaya qarşı "Velodrom"da ilk oyununa çıxacaq".

Qeyd edək ki, "Qarabağ" "Marsel" komandası ilə ilk görüşünü fevralın 17-də səfərdə, cavab oyununu fevralın 24-də evdə keçirəcək.

Milli.Az


Etiketlər:  UEFA Qarabağla oyunu təhlükəli səfər adlandırdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ