Aktual mövzular: Dollar alış-satışı, Neftin qiyməti, COP29, Hava proqnozu

Dəridə bu dəyişikliklər koronavirusa işarə edə bilər

Tarix: 13 Fevral 2022 23:45

İspaniyanın Hospital Universitario de Mostoles və Hospital Plato mütəxəssisləri 300 koronavirus xəstəsini müayinə etdikdən sonra aşkar ediblər ki, kovid özünü digər simptomlarla yanaşı dəridə əmələ gələn dəyişikliklərlə də büruzə verir.

Belə ki, xəstələrin 19%-də dəridə donvurmaya oxşar əlamətlər əmələ gəlirdi. Belə simptom əsasən koronavirusu yüngül keçirən cavan insanlarda aşkar olunurdu. Dərinin COVID-19-a olan bu reaksiyası 12-20 gün ərzində müalicəsiz keçib gedirdi.

Saglamolun.az focus.de-ya istinadla bildirir ki, daha 9% xəstələrdə dəridə suçiçəyi səpgilərinə bənzər səpgilər müşahidə olunurdu. Bu simptom xəstəliyi orta keçirən insanlarda əmələ gəlirdi. Bu xəstələrdə həmçinin öskürək və qızıdrma kimi simptomlar var idi.

19% xəstələrdə qaşıntılı səpgilər əmələ gəlirdi və dəri soyulurdu. Belə reaksiya əsasən kovidi ağır keçirən xəstələrdə aşkar olunurdu.

Koronavirusun ən ağır dəri simptomu nekrozdur (dəri hüceyrələrinin məhz olması). Nekroz daha çox əl və ayaq barmaqlarında, burun, çənə və qulaqalar ətrafında inkişaf edirdi.

Whatsapp ilə göndər