Bu ölkələrdən quş əti idxalı dayandırıldı

Tarix: 19 Fevral 2022 08:42

Rumıniyanın Yalomiça inzibati ərazi vahidində, Kamerunun Qərb regionunda, Fransanın Normandiya regionunda və Hindistanın Bihar ştatında yüksək patogen quş qripi xəstəliyi qeydə alınıb.

Bu barədə AQTA məlumat yayıb.

Bildirilib ki, respublika ərazisinin başqa ölkələrdən keçə biləcək yoluxucu heyvan xəstəliklərindən qorunması məqsədilə Rumıniyanın Yalomiça inzibati ərazi vahidindən, Kamerunun Qərb regionundan, Fransanın Normandiya regionundan və Hindistanın Bihar ştatından diri quş və inkubasiya yumurtalarının, quş ətinin, tərkibində quş emalı məhsulları olan quş ətindən və bütün növ quşçuluq məhsulundan alınan hazır ət məhsullarının (quş qripi viruslarının məhv edilməsini təmin edən termik emala məruz qalan mallar istisna olmaqla), quş yemləri və quş üçün yem əlavələrinin (bitki mənşəli, kimyəvi və mikrobioloji sintez yolu ilə alınmış yemlər və yem əlavələri istisna olmaqla), quşların saxlanması, kəsilməsi və emalı üçün istifadə olunmuş avadanlıqların idxalına, habelə qeyd olunan ölkələrin həmin inzibati ərazi vahidlərindən diri quşların Azərbaycan ərazisindən tranzitinə müvəqqəti məhdudiyyət tətbiq olunub.

Eyni zamanda nəzarət tədbirlərinin gücləndirilməsi Rumıniya, Kamerun, Fransa və Hindistan respublikalarından gələn, yaxud tranzitlə keçən nəqliyyat vasitələri ilə bağlı müvafiq tədbirlərin görülməsi üçün Dövlət Gömrük Komitəsinə müraciət olunub.