Aktual mövzular: Dollar alış-satışı, Neftin qiyməti, COP29, Hava proqnozu

Emreli Xorvatiyada da azarkeşlərin hücumuna məruz qaldı

Emreli Xorvatiyada da azarkeşlərin hücumuna məruz qaldı

Tarix: 13 Mart 2022 13:04

Azərbaycan millisinin futbolçusu Mahir Emrelinin çıxış etdiyi Zaqreb "Dinamo"sunun futbolçuları "Hayduk" klubuna qarşı Xorvatiya Liqasının XXVII tur oyunundan öncə xoşagəlməz hadisə ilə üzləşiblər.

Sonxeber.net report-a istinadən xəbər verir ki, Split şəhərindəki derbinin startına bir neçə saat qalmış yerli azarkeşlər qonaq komandanın oyunçularını daşıyan avtobusa daşla hücum çəkiblər.

Eyni hadisə avtobus matçın oynanıldığı "Polyud" stadionuna yaxınlaşdığı vaxt da təkrarlanıb.Xoşbəxtlikdən insident nəticəsində xəsarət alan olmayıb.

Bundan başqa, yerli polis oyun vaxtı iğtişaş yaratmağa və ictimai asayişi pozmağa cəhd edən 89 nəfərin saxlanıldığını bildirib. Onlardan ümumilikdə 35 pirotexniki vasitə, 1 ədəd qaz tapançası və 154 ədəd patronu aşkar edərək götürülüb.

Prinsipial qarşılaşma qolsuz yekunlaşıb. Start heyətində yer alan Emreli 56-cı dəqiqədə əvəzlənərək, yerini komanda yoldaşı Marko Toliçə verib.

Xatırladaq ki, Mahir Emreli Polşa "Legiya"sından məhz azarkeşlərlə insidentə görə ayrılıb.


Etiketlər:  Emreli Xorvatiyada azarkeşlərin hücumuna məruz qaldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ