''Ukraynada yetərincə ərzaq ehtiyatı var, bəziləri 2 ilə, baziləri isə 5 ilə də bəs edər...''

Tarix: 14 Mart 2022 13:14

Ukraynada daxili istehlak üçün kifayət qədər ərzaq ehtiyatı var.

Sonxeber.net moderator.az-a istinadən xəbər verir ki, "Gordon" nəşrinin yazdığına görə, bu haqda martın 11-də aqrar siyasət və ərzaq nazirinin birinci müavini Taras Vısotski bu barədə "Qromadskoqo radio"sunun efirində 2022-ci ildə müharibə şəraitində  əkin kampaniyasını şərh edərkən danışıb.

Vısotski izah edib ki, Ukrayna istehlak etdiyindən beş dəfə çox  ərzaq istehsal edir.

Məsələn, nazir müavininin dediyinə görə, Ukrayna ildə 8 milyon ton buğda istehlak edir, ölkədə 6 milyon tona yaxın yığılıb, amma yayda artıq qış məhsulu olacaq. 7 milyon ton qarğıdalı istehlak edilir, əvəzində 15 milyon ton  milyon ton yığılıb, yəni iki illik tədarük...

"Bizdə hələ beş illik günəbaxan yağı,  bir il yarımlıq şəkər var", - deyə Vısotski əlavə edib.

O vurğulayıb ki, istehsal dayansa belə, Ukraynanın kifayət qədər ehtiyatı var, çünki "biz ixracatçıyıq, ixrac isə dayanıb".

Vısotski bildirib ki, ümumilikdə Ukraynada hazırda əkin kampaniyasına kifayət qədər yüksək hazırlıq gedir.

"Artıq bizdən mineral gübrələr 80% alınıb. Bu, orta səviyyədən yüksək məhsul əldə etmək üçün kifayətdir. 75% toxum artıq Ukraynadadır. Qoruyucu vasitələr - 55%. Burada vəziyyət bir az mürəkkəbdir, lakin may-iyun ayları üçün daha çox ehtiyac var, yəni onu həll etmək üçün vaxtımız var", - Vısotski bildirib.

O, etiraf edib ki, yanacaqla bağlı problemlər var, lakin hakimiyyət hazırda onun tədarük istiqamətini dəyişmək üzərində işləyir.

Nazir müavini bildirib ki, ümumilikdə bu il qışın uzun keçməsini nəzərə alaraq əkin kampaniyasına adi vaxtdan bir qədər gec başlanacaq: cənubda - bu həftə ərzində, digər rayonlarda - aprelin 10-dan sonra.

Vısotski xatırladıb ki, nazirlik xüsusi agrostatus.org saytını işə salıb, burada fermerlər qeydiyyatdan keçərək əkin mövsümündə qarşılaşa biləcəkləri problemlər barədə danışa bilərlər. Nazirlik onların həllində hər kəsə köməklik göstərəcəyini vəd edib.