Aktual mövzular: Dollar alış-satışı, Məzənnə, Neftin qiyməti

Bu ölkədə COVID-19-la bağlı qaydalar yumşaldılıb

Bu ölkədə COVID-19-la bağlı qaydalar yumşaldılıb

Tarix: 1 Aprel 2022 21:46

Aprelin 1-dən İtaliyada COVID-19-la bağlı bəzi məhdudiyyətlər ləğv olunub.

Milli.Az AZƏRTAC-a istinadən bildirir ki, bu gündən etibarən ictimai nəqliyyat vasitələrində COVID sertifikatı tələb olunmayacaq. Həmçinin mehmanxanalara, yaşayış obyektlərinə, əyləncə parklarına, muzeylərə, sərgi salonlarına, kitabxanalara, kinoteatrlara, teatrlara, konsert salonlarına və digər mədəniyyət obyektlərinə daxil olmaq üçün COVID sertifikatına ehtiyac qalmayacaq. Bununla belə, maska taxmaq öhdəliyi bütün qapalı məkanlarda aprelin 30-dək qüvvədə qalır.

Qatarlarda, təyyarələrdə, stadionlarda və açıq hava konsertlərində isə COVID sertifikatı tələb olunacaq. Stadionlar tam tamaşaçı tutumu ilə fəaliyyət göstərəcək.

Aprelin 30-dək qapalı idman salonlarına, hovuzlara, spa mərkəzləri və diskotekalara daxil olmaq üçün COVID sertifikatı tələb olunacaq. Peyvənd kampaniyası dekabrın 31-dək davam edəcək.

Mayın 1-dən isə bütün sahələrdə COVID sertifikatı tələbi ləğv olunacaq. İyunun 15-dən təhsil işçiləri, hərbi qulluqçular, polis və digər qurumların əməkdaşlarının peyvəndlə bağlı öhdəlikləri qüvvədən düşür.

Milli.Az


Etiketlər:  Bu ölkədə COVID 19 la bağlı qaydalar yumşaldılıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ