Aktual mövzular: Dollar alış-satışı, Neftin qiyməti, COP29, Hava proqnozu

Buçada öldürülənlərin ağır görüntüləri - FOTOlar

Tarix: 4 Aprel 2022 23:36

Ukraynanın paytaxtı Kiyev vilayətinin Buça şəhərində həlak olan mülki şəxslərin cənazələri toplanaraq məzarlarda basdırılır.

Sonxeber.net "qafqazinfo"-ya istinadən xəbər verir ki, bu barədə görüntüləri Ukrayna xarici işlər nazirinin müavini Emine Ceppar Tvitter hesabında paylaşıb.

O bildirib ki, öldürülənlərin əlləri bağlı vəziyyətdə olub: "Bütün bədənlər əlləri bağlı vəziyyətdədir. Hamısına işgəncə verilib, kiminin ayağına güllə vurulub, kiminin ürəyinə 5 güllə vurulub, kimi başından vurulub".

Ukrayna daxili işlər nazirinin müşaviri Anton Geraşenko jurnalistlərə deyib ki, Buçada və Ukraynanın hər yerində bir çox dinc sakin rus əsgərlər tərəfindən qətlə yetirilib, insanlar öldürülməzdən əvvəl işgəncələrə məruz qalıblar.