Aktual mövzular: Dollar alış-satışı, Neftin qiyməti, COP29, Hava proqnozu

Kanada Ukraynaya humanitar yardım üçün daha 100 milyon dollar ayıracaq

Kanada Ukraynaya humanitar yardım üçün daha 100 milyon dollar ayıracaq

Tarix: 10 Aprel 2022 09:48

Kanada hakimiyyəti Ukraynaya humanitar yardım göstərmək üçün daha 100 milyon dollar göndərəcək.

Sonxeber.net "Report"a istinadən xəbər verir ki, bunu Kanadanın Baş naziri Castin Trüdo qaçqınlara kömək məqsədilə keçirilən "Ukrayna üçün ayağa qalx" xeyriyyə kampaniyasının nəticələri ilə bağlı konfransda bildirib.

"Biz daha 100 milyon dollar ayıracağıq. Beləliklə, ilin əvvəlindən Ukraynaya humanitar yardımın göstərilməsinə ümumi töhfəmiz 245 milyon dollar olacaq", - Trüdo deyib.

Baş nazir əlavə edib ki, Kanada Ukraynaya daha 345 minə yaxın zəruri əşya göndərəcək.

Qeyd edək ki, Ukraynadan olan qaçqınlara yardım aksiyası Avropa Komissiyası və Kanada hökumətinin təşəbbüsü ilə keçirilib.

Polşadakı Avropa Komissiyasının məlumatına görə, Ukrayna hadisələri ilə bağlı təxminən 12 milyon insanın köməyə ehtiyacı var.


Etiketlər:  Kanada Ukraynaya humanitar yardım üçün daha milyon dollar ayıracaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ