Aktual mövzular: Dollar alış-satışı, Neftin qiyməti, COP29, Hava proqnozu

Rusiya MN Ukraynanın hərbi itkilərini açıqlayıb

Rusiya MN Ukraynanın hərbi itkilərini açıqlayıb

Tarix: 3 May 2022 16:54

Rusiya raket qüvvələri Ukraynanın Xarkov vilayətində komanda məntəqələrini və Nikolayev vilayətində S-300 zenit-raket kompleksinin buraxılış qurğusunu məhv edib.

Sonxeber.net APA-ya istinadən bildirir ki, bu barədə Rusiya Müdafiə Nazirliyinin (MN) rəsmi nümayəndəsi İqor Konaşenkov bu gün keçirdiyi brifinqdə bildirib.

"Raket qoşunları Xarkov vilayətinin Podolovka rayonunda Dolina yaşayış məntəqəsi ərazisində 81-ci aviasiya briqadasının və 77-ci ərazi müdafiə briqadasının komanda məntəqələrini vurub. Həmçinin, Nikolayev vilayətinin Kulbakino rayonunda S-300 zenit-raket kompleksinin buraxılış qurğusu məhv edilib", - Rusiya MN sözçüsü vurğulayıb.

Konaşenkov Ukrayna tərəfinin indiyədək verdiyi hərbi itkiləri də açıqlayıb: "Ümumilikdə, xüsusi hərbi əməliyyat başlayandan indiyədək Ukrayna Silahlı Qüvvələri 146 təyyarə, 112 helikopter, 696 pilotsuz uçuş aparatı, 286 zenit-raket kompleksi, 2783 tank və digər zirehli döyüş texnikası, 316 reaktiv yaylım atəşi sistemi, 1255 səhra artilleriya qurğusu və minaatan, o cümlədən 2590 ədəd xüsusi təyinatlı hərbi avtomobil texnikası məhv edilib".


Etiketlər:  Rusiya Ukraynanın hərbi itkilərini açıqlayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ