Fransada rusiyalı oliqarxın villası müsadirə edilib

Tarix: 5 May 2022 12:14

Avropanın ən məşhur dənizkənarı kurortunda - Sen-Tropedə, "Sxem"-in (Azadlıq Radiosu) araşdırmasına görə, "Alfa Bankın" təsisçisi Mixail Fridmanın ailəsinə aid olan "Copab" villası həbs edilib.

"The Insider" xəbər verir ki, villa Avropa Birliyinin sanksiyaları ilə əlaqədar həbs edilib.

Sonxeber.net Rusiya mətbuatına istinadən bildirir ki, jurnalistlərin müəyyən etdiyi kimi, villa Fransanın SNC "Copab" şirkətində qeydiyyatdan keçib. Onun benefisiarları Mixail Fridmanın qızlarıdır - Larisa və Ekaterina Fridman, daha 1% keçmiş həyat yoldaşı Olqa Aizimana məxsusdur. Bunu təsdiq edən sənədlər "Sxem"in sərəncamındadır. Fridman villanı icarəyə verməklə ondan ayda 180 min avrodan 440 avroya qədər gəlir əldə edib. Obyektin ərazisində hovuz, sauna, hamam, cakuzi və helikopter üçün ayrıca platforma var.

"Insider" xatırladır ki, Fridman Rusiyanın Ukraynaya müdaxiləsindən sonra Aİ sanksiyalarına məruz qalan ilk rusiyalılardan biri olub. Bu, fevralın 28-də baş verdi, eyni zamanda "Alfa Group" konsorsiumunun digər sahiblərinə - Petr Avenə, həmçinin Gennadi Timçenko və Sergey Rolduginə qarşı sanksiyalar tətbiq edildi. Tətbiq olunan sanksiyaların əsaslandırmasında Fridmanın Prezident Administrasiyası ilə sıx əlaqədə olduğu və 2014-cü ildə Krımın zəbtində töhfə verdiyi bildirilir.

Aslan Məmmədov