Üç lider niyə Kiyevə gəldi?

Tarix: 16 Iyun 2022 12:38

Bu gün Kiyevə gələn Fransa prezidenti Emmanuel Makron, Almaniya kansleri Olaf Şolts və İtaliyanın baş naziri Mario Draqi Rusiyanın təcavüzünə qarşı mübarizədə Ukraynaya dəstək nümayiş etdirmək niyyətindədirlər.

Sonxeber.net bildirir ki, bu barədə Reuters yazır.

Məlumata görə, birgə səfərin təşkili bir neçə həftə çəkib. Üç Aİ ölkəsinin liderləri Rusiya Federasiyasının genişmiqyaslı hücumuna reaksiyalarına görə Ukraynada tənqidlərə qalib gəlmək niyyətindədirlər.

"Bu, mühüm məqamdır. Bu, bizim ukraynalılara göndərdiyimiz birlik siqnalıdır", - Makron Kiyevə gələrkən deyib.

Yelisey sarayının nümayəndəsi səfərin niyə məhz indi baş tutduğunu cavablandıraraq bildirib ki, bunu Aİ sammitinə qədər etmək daha yaxşı olar. Orada Kiyevin üzvlüklə bağlı müraciəti müzakirə olunacaq. Cümə günü bu məsələ ilə bağlı qərarı Avropa Komissiyası elan etməlidir.

"Biz elə bir nöqtəyə gəlmişik ki, biz avropalılar Ukrayna və onun xalqı qəhrəmancasına müqavimət göstərdikdə onlara aydın siyasi siqnallar göndərməliyik", - deyə Makron administrasiyasının adının açıqlanmayan rəsmisi bildirib.

Öz növbəsində, Dragi çərşənbə axşamı Rusiya ilə "mümkün qədər tez" danışıqlara başlamaq zərurətini açıqladı. Eyni zamanda o əlavə edib ki, onlar Ukraynanın məqbul hesab etdiyi şərtlərlə olmalıdırlar.

KİV-in məlumatına görə, prezident Vladimir Zelenski üç liderlə görüşdə onları Ukrayna Silahlı Qüvvələrinə Rusiyaya müqavimət göstərmək üçün daha çox silah göndərməyə sövq edəcək.

Aslan Məmmədov