Aktual mövzular: Dollar alış-satışı, Neftin qiyməti, COP29, Hava proqnozu

Güləşçilərimiz daha 5 medal qazandı

Tarix: 18 Iyun 2022 23:52

Rumıniyanın paytaxtı Buxarestdə güləş üzrə U-17 Avropa çempionatı sona yaxınlaşır.

Qitə birinciliyinin başa çatmasına bir gün qalmış ölkəmizin hesabına daha 5 medal yazılıb. Sərbəst güləşçilər 4 qızıl və 1 bürünc medal əldə ediblər.

Finalda Vasif Bağırov (48 kq) fransalı Rasul Qalburayevə (tuşe), Camal Abbasov (55 kq) ukraynalı İliya Şketikə (tuşe), İlyas İsayev (65 kq) gürcü Qoqa Otinaşviliyə (3:0), Yusif Dursunov (110 kq) türkiyəli Taha Yakup Temelə (6:0), bürünc medal uğrunda görüşdə isə Şəmistan Axundov (80 kq) ukraynalı Pavlo Vaskovskiyə (5:4) qalib gəlib. Sabah sərbəst güləşçilər daha 5 medal qazana bilərlər.

Bu nəticələrdən sonra Azərbaycan 115 xalla komanda hesabında aşkar liderdir. Müqayisə üçün qeyd edək ki, 2-ci pillədə qərarlaşan Gürcüstanın cəmi 66 xalı var.

Whatsapp ilə göndər