Zelenski Rusiyanın bu qurumdan çıxarılmasını tələb edib

Tarix: 29 Iyun 2022 07:58

Ukrayna Prezidenti Volodimir Zelenski BMT-ni Rusiyanı BMT Təhlükəsizlik Şurasından çıxarmağa çağırıb.

Sonxeber.net "report"a istinadən bildirir ki, BMT Təhlükəsizlik Şurasında videobağlantı formatında çıxış edən Ukrayna lideri deyib ki, Rusiyanın qurumun səsvermələrində iştirak etmək hüququ yoxdur:

"Mən sizi terror dövlətinin BMT Baş Assambleyasındakı nümayəndə heyətini səlahiyyətlərindən məhrum etməyə çağırıram. Mümkündür, lazımdır, ədalətlidir. Rusiyanın BMT Təhlükəsizlik Şurasında qalmaq hüququ yoxdur. Rusiya BMT-nin ixtisaslaşmış təşkilatlarının fəaliyyətində iştirak etməkdə davam edir və hətta BMT Təhlükəsizlik Şurasının daimi üzvü imtiyazlarından istifadə edir. Biz Rusiyanı terrora görə məsuliyyətə cəlb etməliyik".

Zelenski BMT-yə Kremençuqdakı hadisələrin şəraitini müəyyən etmək üçün komissiya göndərməyə dəvət edib.