İranda ağır qəzada ölənlərin sayı artıb: 13 nəfər (VİDEO) (YENİLƏNİB)

Tarix: 21 Sentyabr 2019 13:44

Bakı. Elnur Bağışov - Trend:

İranda baş verən ağır qəzada ölənlərin sayı artıb.

Trend-in məlumatına görə, İranın şimalında yerləşən Gülüstan vilayətində Qonbəd-Kavusdan İnçəburun istiqamətində yük maşını mikroavtobusla toqquşması nəticəsində ölənlərin sayı 8-dən 13-ə çatıb. 18 nəfər isə yaralanıb.

Yaralılar xəstəxanaya yerləşdirilib, vəziyyətləri ağırdır.

XXX

11:30

İranın şimalında yerləşən Gülüstan vilayətində Qonbəd-Kavusdan İnçəburun istiqamətində yük maşını mikroavtobusla toqquşub.

Trend-in məlumatına görə, bunu İranın Gülüstan vialyətinin Qonbəd-Kavus rayonunun qubernatoru Əbdülqədir Kərimi deyib.

Ə.Kəriminin sözlərinə görə, qəza nəticəsində mikroavtobus yanıb.

Kərimi əlavə edib ki, hadisədə 8 nəfər həlak olub, 18 nəfər yaralanıb.

Qubernator bildirib ki, yaralılar xəstəxanaya yerləşdirilib və vəziyyətləri ağırdır.

Kərimi hadisənin yük maşının qarşı yola çıxması nəticəsində baş verdiyini deyib.

Trend-in ən mühüm və maraqlı xəbərlərini "Telegram"da izləyin