Dünyanın yaşamaq üçün ən bahalı şəhərlərinin adı açıqlanıb

Tarix: 11 Iyul 2022 02:40

2022-ci ilin birinci yarısında dünyanın hansı şəhərlərinin yaşamaq üçün ən bahalı olduğu açıqlanıb.

Sonxeber.net APA-ya istinadən bildirir ki, bunu Numbeo analitik xidməti hesablayıb.

Belə ki, birinci yeri Bermud adalarının paytaxtı Hamilton tutub. İlk 10-luğa İsveçrənin Bazel, Sürix, Zuq, Lozanna, Bern və Cenevrə şəhərləri və Amerikanın Honolulu, Santa Barbara və Nyu-York şəhərləri daxildir.

Rusiya şəhərlərinin yaşayış dəyəri baxımından əhəmiyyətli dərəcədə aşağı olduğu ortaya çıxıb. Peterburq 279-cu, Moskva - 287, Yekaterinburq - 298, Kazan - 300, Novosibirsk - 301, Krasnodar - 313, Nijni Novqorod - 316, Rostov-na-Donu - 345-ci sırada idi.

Daha əvvəl məlumat verilmişdi ki, Çukotkadakı Anadır 2021-ci ildə Rusiyada yaşamaq üçün ən bahalı şəhər, İnquşetiyadakı Nazran isə ən ucuz şəhər olub.