Aktual mövzular: Dollar alış-satışı, Neftin qiyməti, COP29, Hava proqnozu

Bəzi rayonlarda qəbiristanlıqlar dolub - dəfn üçün yer tapılmır - VİDEO

Bəzi rayonlarda qəbiristanlıqlar dolub - dəfn üçün yer tapılmır - VİDEO

Tarix: 15 Iyul 2022 15:46

Bərdə şəhərində yerləşən qəbiristanlıqlar artıq dolub.

Sonxeber.net Xəzər Xəbər-ə istinadən xəbər verir ki, şəhər ərazisində 3 qəbiristanlıq olsa da, insanlar öz doğmalarını dəfn etməyə yer tapmırlar.

Sakinlərin sözlərinə görə, ötən əsrin ortalarında şəhər ərazisində iki qəbiristanlıq  salınıb, lakin bir müddətdir ki, dünyasını dəyişənləri basdırmaq mümkün deyil.

Şəhərin İmamzadə qəbiristanlığında da eyni vəziyyət yaşanır.

Hazırda qəbiristanlıqda az sayda boş yerlər olsa da, həmin yerlər ailələrə aiddir. Atası, yaxud da anası ölən övlad yaxınını orada basdırdıqdan sonra onun ətrafını hasarayaraq gələcəkdə vəfat edəcək yaxınlarına da yer hazırlayıb. Qəbiristanlıqda ölüsü olmayanlar üçün isə artıq yer tapmaq mümkün deyil.

Yaranmış vəziyyət rayon ağsaqqallar şurasını narahat etdiyindən problemlə bağlı icra hakimiyyətinə, rayondan olan millət vəkillərinə və Baş nazirə müraciət ediblər.

Məsələ ilə bağlı Bərdə Rayon İcra Hakimiyyətindən bildirilib ki, artıq yeni qəbirstanlıq ərazisi ilə bağlı ilkin sənədləşmə işləri aparılıb. Bu barədə aidiyyəti dövlət orqanlarına müraciət edilib. Yaxın vaxtlarda məsələnin həll edilməsi nəzərdə tutulub.

Bənzər hal İsmayıllı rayonunda da müşahidə edilir. Burada da qəbiristanlıqlar ya dolub, ya da yerlər əvvəlcədən zəbt edilib.

İsmayıllı rayon sakinləri də problemlərinin tezliklə həll edilməsini istəyirlər.

Xezerxeber.az mövzu ilə bağlı daha ətraflı videomaterialı təqdim edir:


Etiketlər:  Bəzi rayonlarda qəbiristanlıqlar dolub dəfn üçün tapılmır VİDEO


RƏYLƏR