Aktual mövzular: Dollar alış-satışı, Neftin qiyməti, COP29, Hava proqnozu

''Sağ qalmaq şansı yox idi''

''Sağ qalmaq şansı yox idi''

Tarix: 21 Iyul 2022 19:24

Türk əsgərlərinin bizi toyuq kimi məhv etdiyini gördüm. Döyüşməyə silahımız olmadığından toyuq kimi yıxılırdıq. Türklər bizi tapıb biçirdilər.

Milli.Az axar.az-a istinadən bildirir ki, bunu keçmiş yunan hərbçi Tanasis Zafiriou 1974-cü ildəki Kipr Hərəkatından danışarkən deyib.

"Türk təyyarələri öncə işıqları yandırdılar, sonra ilk atəş səslərini eşitdik. Pulemyotlardan minlərlə güllə bizə tərəf gəlirdi. Gecə olduğu üçün güllələr görünürdü. Onlar parıldayaraq bizə tərəf gəlirdilər. Bizim təyyarələrdəki əsgərlərin çoxu vuruldu. Təyyarənin altından güllələr yağdırılırdı. Güllələr əvvəlcə döşəməni, sonra isə damı deşdi. Əsgərlərin çoxu ağrıdan inildəyirdi. Çoxları öldü. Bizimlə gələn ikinci təyyarədə də eyni şey oldu. Onun sağ qalmaq şansı yox idi. Təyyarə tamamilə məhv edildi", - Zafiriou söyləyib.

Qeyd edək ki, Kipr Sülh Hərəkatı 20 iyul 1974-cü ildə Türkiyə Silahlı Qüvvələri tərəfindən başladılmış və 14 avqust tarixində türk silahlı birləşmələrinin paytaxt Lefkoşaya (Nikosiya) daxil olması ilə başa çatmışdı.

Milli.Az


Etiketlər:  Sağ qalmaq şansı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ