Aktual mövzular: Dollar alış-satışı, Neftin qiyməti, COP29, Hava proqnozu

“Visa Token Service” texnologiyası Azərbaycanın bütün banklarında tətbiq olunmağa açıqdır

Tarix: 23 Sentyabr 2019 19:48

Bakı. Kəmalə Məmmədli - Trend:

“Visa Token Service” texnologiyası Azərbaycanın bütün banklarında tətbiq olunmağa açıqdır.

Bunu Trend-ə müsahibəsində “Visa”nın Qafqaz üzrə regional meneceri Kristina Doroş deyib.

O bildirib ki, Azərbaycan Beynəlxalq Bankı bu xidmət üçün lazım olan sertifikatlaşma prosesini daha tez başa çatdırdığı üçün “Visa Token Service” xidmətinə qoşulan ilk bank olub:

“Hazırda digər banklar da bu texnologiyanın tətbiq olunması üzərində işləyir. Hər bir bank öz müştərilərinə rahat ödəmə üsulu təklif etməyə çalışır. “Visa Token Service” təhlükəsiz və rahat mobil ödəmələrə doğru növbəti addımdır”.

K.Doroş əlavə edib ki, “AzeriCard” prosessinq şirkəti bu texnologiyanın tətbiq olunmasında vacib rol oynayıb və layihənin texniki hissəsinin icrasını öz üzərinə götürüb.

Layihənin dəyəri barədə suala cavabında regional menecer bildirib ki, maliyyə detalları ilə bağlı məlumatlar bankların kommersiya sirridir.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər